كتبت/ولاء مصطفى
تقريبا لو سألت أي حد نفسك تسافر فين هيكون جوابه ببلد ” برا مصر ” قليل جدا لما تلاقي حد عاوز يلف في بلدان مصر لأنه كتير منا واخد إنطباع سئ إن مصر مفيهاش أماكن حلوه أو مفيهاش بلدان جميله لكن لو اهتمينا نعرف بلدنا ونلف ونسافر هنلاقي هي أد ايه جميله جدااا وفيها أماكن وبلدان ساحره أنا ” محمود شلبي “shalabooca“ شاب عنده ٢٢ سنه بيحب بلده وقرر يبقي واحد من الناس دي بدأت صغير وكنت بروح أماكن كتير في مصر وعلفكره مش شرط يبقي معاك فلوس كتير عشان تلف وتروح أماكن كتير ف مصر ،، مصر رخيصه جداً كسياحه وبدأت ألف فيها واتصور يمكن ساعتها مكنتش شخص “professional” يمكن مكنش معايا أمكانيات تحفه لكن حبي وشغفي الكبير اني اكشتف جمال مصر وادور واصور جمالهاوأظهره للعالم كله موقفنيش لحد ما جبت كاميرا وبدأت الف مصر كلها بهدف ابين للعالم كله جمال مصر وأنقل ثقافتنا عن طريق صوري لبلاد كتير برا وكانت مفاجاءه جميله اوي ليا اني الأقي كم ال ” feedback “ من ناس أجانب معجبين بصوري وحابين يجوا يزورا الامكان الي متصور فيها ويكتشفوها وبجد مكنتش متخيل اد ايه صوري أثرت فيهم وان مجهودي له اثر وان ناس اجانب بدأو يحبو مصر بسبب صوري أنا!! ،، فنا حلمي مش هيقف بس عند اني الف مصر كلها لا حلمي اني اواصل لحد ما الف العالم كله وابقي “travel blogger “ عالمي حلمي اني اتعرف ع ثقافات كل الشعوب وانقل ثقافات مصر لكل الشعوب واعرف كل الناس من كل بقاع الارض اد ايه مصر حلوه.
