“أهلي كانوا دعمي الوحيد” هكذا بدأت جورجيت ريشا بالحديث عن نفسها، هي الشابة اللبنانية التي دخلت الجامعة بمجال بخالف عن مجال طموحها ولكن اصرارها وشغفها جعلها تجد الوقت دومًا لتحقيق شغفها.
س: متى كانت أول خطوة في مجال التجميل؟
ج: بفترة الجامعة اشتغلت مع والدتي وبتنظيم ملكة جمال الجامعة ومن بعدها ملكة جمال الجامعات، وهون بلشت فوت بمجال الجمال.
س: هل دعمتِ خبرتك بمهارات تعليمية تقنية؟
ج: أكيد تعلمت، ولهاللحظة بتعلم لأن بمجال الجمال كل خبيرة تجميل بحاجة لـupdate كل فترة، وكل فترة بتعلم شي جديد وما برضى غير ما احمل شهادة بتدعم خبرتي.
س: من أين لك الفكرة أن تدخلي عالم الراديو والتلفزيون؟
ج: عندما شعرت إنّو لازم يكون في خطوة تانية بعد ملكات الجمال، رافقت والدتي الى مقابلاتها التلفزيونية وهكذا دخلت الى عالم التلفزيون.
وأضافت: بعد ما اتعلمت وصار عندي الخبرة والأساس، حسيت حالي صرت جاهزة وبلشت بـbeauty segment، وهون بحب اتشكر منال سعادة زميلتي يلي بحبها كتير كان أول segment معها ببرنامجها الصباحي على radio strike.
ومن بعدها طلعت على راديو دلتا، صوت لبنان، lbc sar، mtv alive، rotana …
س: اليوم انت ثابتة بمحطة معينة.
ج: صح صرلي سنتين عندي فقرتي الخاصة على الـ otv كل نهار أربعاء على ٩:٢٠ صباحًا.
س: خبرينا شوي شو بتضمن فقرتك، وكيف عم تلاقي مشاركة واستفادة المشاهدات معك؟
ج: الفقرة بتضمن نصائح تجميلية سريعة للسيدات، ومنتلقى اتصالات ضمن الفقرة هيك بقدر ساعد كل سيدة، وفي نصائح كتير بقدمها متل:
makeup tutorial live bil studio،علاج بشرة لايف بالاستديو..
واميد مواضيعي حسب المناسبات العامة، وبجرب دايمًا واكب الموضة.
س: ولكن التلفزيون والراديو لهما اربابهما، الم يتطلب منك ذلك مسؤوليات اكبر؟
ج: صحيح وهيدا دفعني اتعلم دورة القاء لكون مهنية على تلفزيون مش دخيلة.
س: بالختام، طموح حورجيت ريشا لوين بوصلها؟
ج: صح متل ما قلت “طموح” الانسان بكل مجال لازم يحدد طموحه ويوثق فيه، وما يعتبر بحياته انو وصل لمطرح وخلص، دايمًا لازم طموحنا يتجدد كل ما حققتا شي جديد، انا واضية وفخورة بنفسي وبيلي حققته، بس اكيد عندي بعد امور كتيرة انشالله لازم حققها، عم اتعب عليها.. بس ايه انا بوثق بطموحي.
س: كلمة اخيرة ونصيحة لكل امرأة عم تسمعك.
ج: بدي اشكركم عالمقابلة الحلوة، ونصيحتي لكل امرأة، ما تخجلي من طموحك، واشتغلي يلي بتحبيه هيك بس بتنجحي.
